ماليكي له‌و ئاسته‌دا نيه كاريگه‌ري له‌سه‌ر توركيا هه‌بێت
ئه‌حمه‌د داود ئۆغڵۆ، وه‌زيري ده‌ره‌وه‌ي توركيا رايده‌گه‌يه‌نێت، ماليكي له‌و ئاسته‌دا نيه كاريگه‌ري له‌سه‌ر توركيا هه‌بێت.
ئه‌حمه‌د داود ئۆغڵۆ، وه‌زيري ده‌ره‌وه‌ي توركيا وتيشي: ماليکي له ماوه‌ي 7 ساڵي ده‌سه‌ڵاتيدا نه‌يتوانيوه يه‌ك هه‌نگاو بنێت بۆ ئاشته‌واي نيشتيماني و نوري ماليكي له ئاستێكدا نيه كاريگه‌ري له‌سه‌ر توركيا و هه‌وڵه‌كاني هه‌بێت بۆ ده‌سته‌به‌ركردني ئاشتي له ناوچه‌كه‌دا.
وه‌زيري ده‌ره‌وه‌ي توركيا وتيشي: توركيا جياوازي ناكات له نێوان پێكهاته‌كاني عێراق و كه‌س ناتوانێت زيان به په‌يوه‌نديه‌كاني توركيا و گه‌لي عێراق بگه‌يه‌نێت، ته‌نانه‌ت لێدوانه‌كاني ماليكيش.
ئه‌حمه‌د داود ئۆغڵۆ، بيري ماليكي هێناويه‌وه،" ساڵي پار توركياي به باڵيۆزي ئاشتي و چاره‌سه‌ركه‌ري كێشه‌كان وه‌سف كردوه و پێچه‌وانه‌ي لێدوانه‌كاني ئێستايه‌تي."
ئاژانسي کۆمەڵنيوز
