چۆنیەتى ئامادەکردنى مریشکى تون بە پەتاتە
پێداویستییەکان:
دوو کەوچکى گەورە زەیت
مریشکێکى ١٢٠٠ گرامى، پێستەکەى لێکرابێتەوە و چارچە پارچە کرابێت.
پیازێکى گەورە، بە شێوەى ئەڵقەیى کەرتى بکە.
دوو سیرى هاڕدراو.
کەوچکێک کەرەوزى وردکراو.
کەوچکێک کەمون.
کەوچکێک زەردەچەوە.
نیوکەوچک هاڕراوەى بیبەرى تون.
کەوچک و نیوێک ئاردى نۆک.
٤ تەماتەى گەورە، کەرتکراو.
دوو پارچە دەرمانى مریشکى ماجى.
یەک پەرداخ ئاو.
قتویەک نۆکى کوڵاو.
نیو کیلۆ پەتاتەى کەرتکراو.
چۆنیەتى ئامادەکردن:
زەیتەکە لە مەنجەڵێکى گەورەدا گەرم بکە، مریشکەکەى تێبکە، با سوور ببێتەوە تا ڕەنگەکەى دەگۆڕێت، دواتر بیهێنە دەرەوە.
پیازەکە بخەرە هەمان مەنجەڵەوە و بۆ ماوەى ٤ خولەک سوورى بکەرەوە، سیر و کەرەوزەکەى بۆ زیاد بکە، ئینجا کەمون و زەردەچەوەکە، دواتر بیبەرە تونەکە و ئاردەکە و بۆ ماوەى خولەکێک با باش پێکەوە سوورببنەوە.
ماجییەکە و تەماتەى کەرتکراو و ئاوەکەى تێبکە، پاش کەمێک مریشکەکە بخەرەوە مەنجەڵەکەوە و سەرى بنێرەوە، با بۆ ماوەى ٢٠ خولەک لەسەر ئاگرێکى کز بکوڵێت، یان تا مریشکەکە نیوە کوڵاو دەبێت.
نۆک و پەتاتەکەى تێبکە و بۆ ماوەى ١٥ خولەکى تر با لەسەر ئاگربێت تا هەموو پێکهاتەکان دەکوڵێن.
دەتوانیت لەگەڵ برنجدا پێشکەشى بکەیت.
سایتی nrt2
