ئاو خواردنه‌وه‌ مێشك چالاك ده‌كات

توێژه‌راني سه‌ر به‌زانكۆي خۆرهه‌ڵاتي له‌نده‌ن رێنمايي ده‌كه‌ن له‌كاتێكدا نه‌تتواني وه‌ڵامي پرسيارێك بده‌يته‌وه‌ يان به‌لاته‌وه‌ سه‌خت بو هه‌وڵ بده‌ په‌رداخێك ئاو بخۆيته‌وه‌ تا مێشكت چالاك بێته‌وه‌.

 شاره‌زاياني بريتاني پێيان وايه‌ ئه‌و ئاوه‌ له‌توانايدايه‌ چالاكي مێشك به‌رێژه‌ي (14%) زياد بكات و كاريگه‌رييه‌كانيشي به‌شێوه‌يه‌كي چالاك له‌سه‌ر ئه‌و كه‌سانه‌ ده‌رده‌كه‌وێ كه‌هه‌ست به‌تينوێتي ده‌كه‌ن.

 چونكه‌ له‌كاتي تێر ئاو خواردنه‌وه‌دا مێشك زياتر گرنگي ده‌دات به‌و ئه‌ركه‌ي پێي دراوه‌. ئه‌م ده‌ره‌نجامانه‌ له‌دواي ئه‌نجامداني توێژينه‌وه‌يه‌ك هات له‌سه‌ر 34 پياو و ژن كه‌چه‌ندين تاقيكردنه‌وه‌يان بۆ مێشكيان ئه‌نجامداوه‌ جارێك به‌ر له‌پارشێو و دانه‌يه‌كيش دواي پارشێو. ده‌ركه‌وتوه‌ كه‌ئه‌داي ئه‌و كه‌سانه‌ زياتر ده‌بێ كه‌هه‌ستيان به‌تينوێتي كردوه‌ له‌چاو ئه‌و كه‌سانه‌ي كه‌تينويان بوه‌و ئاويان نه‌خواردۆته‌وه‌ و ئه‌م رێژه‌يه‌ش به‌(14%) ده‌خه‌مڵێنرێت.

SNN – به‌شي ته‌ندروستي