نیشانەکانی کەم خوێنی و چارەسەرکردنیان

نیشانەکانی کەمخوێنی جیاوازن و بەپێی هۆکاری تووشبوونەکەی لە جۆرێکەوە بۆ جۆرێکی تر دەگۆڕدرێت.

 هۆکارەکانی تووشبوون بە کەمخوێنی زۆرن، دەکرێت بەهۆی کەمی کانزایەک یان ڤیتامینێکەوە بێت، یاخود خوێنبەربوون و هەندێ نەخۆشی تر.

گەر یەکێک لەم نیشانانە یان زیاتر لە خۆتدا بەدیکرد، ئەوا پێویستە سەردانی پزیشک بکەیت بۆ ئەنجامدانی پشکنینی زیاتر و چارەسەرکردنی کەمخوێنییەکەت.

لە نێوان گشت جۆرە جیاوازەکانی کەمخوێنیدا کۆمەڵێک نیشانەی هاوبەش هەن لەوانە:

1-شەکەتی ماسوولکەکان و کەمی وزە و چالاکی.

2-ناڕێک لێدانی دڵ، بەتایبەت لە کاتی وەرزشکردندا.

3-تەنگەنەفەسی و سەرئێشە، بەتایبەت لەکاتی وەرزشکردندا.

4-کەمبوونەوەی توانای تەرکیزکردن.

5-گێژبوون.

6-زەردبوونی پێست.

7-کەمخەوی.

لەپاڵ ئەم نیشانە گشتیانەشدا، هەریەکێک لە جۆرە جیاوازەکانی کەمخوێنی نیشانەی تایبەت بەخۆی هەیە کە دەکرێت بەکاربهێنرێت بۆ دەستنیشانکردنی چارەسەرەکەی.

جۆرە جیاوازەکانی کەمخوێنی:

 کەمخوێنی بەهۆی کەمی کانزای ئاسن.

نیشانەکانی بریتین لە:

1-هەبوونی برین و درز و برژانەوەی ناو دەم.

2-نوشتانەوەی نینۆک بەرەو سەرەوە.

3-حەزکردن بۆ خواردنی هەندێ شتی سەیر وەک ( سەهۆڵ، پیسی و خۆڵ، پەڕە)

کەمخوێنی بەهۆی کەمی ڤیتامین ب12.

نیشانەکانی ئەم کەمخوێنییە بریتین لە:

1-مێروولەکردن و سڕبوون لە دەست و قاچدا.

2-کەمبوونەوەی هەستی دەستلێدان لە شتەکانی دەوروبەر.

3-نارێکی لە کاتی رۆیشتن.

4-لەبیرچوونەوە.

5-رەقبوونی قۆڵ و ران.

کەمخوێنی بەهۆی ژەهراویبوون بە کانزای قوڕقوشم.

 نیشانەکانی ئەم کەمخوێنییە بریتییە لە:

1-هەبوونی هێڵێکی رەش و شین لەسەر پوک.

2-قەبزبوون.

3-رشانەوە.

4-هەبوونی ئازار لە سکدا.

کەمخوێنی بەهۆی لەناوچوونی خڕۆکە سوورەکانی خوێنەوە.

ئەم کەمخوێنییە کاتێک روودەدات کە خڕۆکە سوورەکانی ناو خوێن بەهۆی هەندێک نەخۆشی و هۆکاری تایبەتەوە تووشی مردن دێن، نیشانەکانی ئەم کەمخوێنییەش بریتین لە:

1-زەردوویی.

2-هەبوونی میزێکی قاوەیی یان سوور.

3-هەبوونی برین لە قاچدا.

4-هەبوونی نیشانەکانی بەردی زراو.

5-گەشەنەکردنی منداڵ.

سەرچاوه: سایتی جام کوردی