چۆن لە گەرمادا لەش ساغیت دەپارێزیت

لەگەڵ هاتنی شەپۆلی گەرما بۆهەرێمی كوردستان، بەمەبەستی هۆشیاری و ئاگاداربوونی هاووڵاتیان و خۆبەدوورگرتنیان لە كاریگەرییەكانی گەرما و خۆپاراستن لە زیانە تەندروستییەكانی، پزیشكان هۆشیاری دەدەنە هاووڵاتیان كە لە پێناو لەش ساغییان ڕەچاوی ئەم ڕێنماییانە بكەن.

1- ئەگەر زۆر پێویست نەبوو لە كاتە گەرماكانی رۆژ مەچووە دەرەوە لە ماڵەوە بمێنەوە، سوود لەئامێرەكانی فێنككەرەوە وەربگرە.

2- منداڵ و كەسانی بەتەمەن و ئەوانەی نەخۆشیە درێژخایەنەكانیان هەیە وەك نەخۆشیەكانی سینگ و دڵ پێویستە لە ماڵەوە و لەشوێنێكی فێنك بمێنەوە.

3- ئەو كرێكارانەی كە بەردەوام لە كارەكانیان لەرۆژ پێویستە تا دەكرێت خۆیان لە تیشكی خۆر بپارێزن و ماوە ماوە پشوودەن لە شوێنێكی سێبەر و فێنك و برێكی زیاتر ئاو و شلەمەنی بخۆنەوە.

4- لەم ماوەیە خواردنەوەی ئاو و شلەمەنیەكان زیاتر بكەن بۆ خۆپاراستن لەووشك بوون و كاریگەریی تیشكی خۆر.

5- سەرجەم نەخۆشخانە و فریاكەوتنەكان و دەزگاكانی تەندروستی كوردستان لەئامادەباشی دان و لەهەر كاتیك پێویست بوو سەردانیان بكە و پزیشكان و كارمەندان لە پێشوازیتاندا دەبن.

سەرچاوه:سایتی سایتی هەولێر