سوودە سەرسوڕهێنەرەكانی زەیتی زەیتوون

زەیتی زەیتوون یەكێكە لە زەیتە بەسوودەكان بۆ تەندروستی مرۆڤ و ئێستا بەكارهێنانی ئەم زەیتە ڕووی لە زیادبوون كردوە ، ئاستی كۆلیسترۆڵ لە خوێندا هاوسەنگ دەكات و ڕێگری دەكات لە ڕەق بوونی خوین بەرەكان ، لەڕێی ئەم بابەتەوە دەتوانیت بە گرنگترین سوودە تەندروستیەكانی ئەم زەیتە بۆ پێستت ئاشنا ببیت .

1- ئەگەر پێستی ڕوخسارت وشكە ئەوە دەتوانیت سوود لە زەیتی زەیتوون وەربگریت بۆ شێداركردنەوەی پێستت بێ ئەوەی ئەم زەیتە هیچ زیانێكی لاوەكی بە پێستت بگەیەنێت .

2- دوو كەوچك زەیتی زەیتوون تێكەڵاوی چەند دڵۆپێك لە ئاوی لیمۆ بكە و ڕۆژانە ئەم گیراوەیە بدە لە پێستی ڕوخسارت ،  ئەمە ڕێگری دەكات لە چرچ بوونی ڕوخسار و پێست بە گەشاوەی دەهێڵێتەوە .

3- ئەو كەسانەی كێشەی وشكبونەوە و قڵیشانی لێوەكانی هەیە ئەوە دەتوانن زەیتی زەیتوون بۆ شێداركردنەوەی لێویان بەكاربهێنن .

4- پارچەیەك لۆكە بە زەیتی زەیتوون چەوربكە و بیهێنە بە پێستی ژێر چاوەكانتدا ، ئەمە پێستی ژێر چاوەكانت لە چرچ بوون دەپارێزێت و بەشێداری دەیهێڵێتەوە .

5- دەكرێت زەیتی زەیتوون بۆ چارەسەری ئەو پێستە بەكاربهێنرێت كە بە هۆی تیشكی خۆرەوە سوتاوە و جگە لەوەش پێست دەپارێزێت لە توشبوون بە شێرپەنجە .

6- بۆ ڕزگاربوون و لێكردنەوەی پێستی مردوو دەتوانیت كەمێك خوێ تێكەڵاوی زەیتی زەیتوون بكەیت و بەم  پێكهاتەیە مەساج بە پێستت بكەیت و ماوەی 10 خولەك ئەم گیراوەیە بە پێستتەوە بیهێڵیتەوە و دواتر ئاوی سارد بكە بەو شوێنەی پێستتدا كە ئەم گیراوەیەت پیادا كردوە بۆ ئەوەی كونیلەكانی پێستت دابخرێتەوە .

بۆ ئەو كەسانەی پێستیان هەستیارە نابێت بەهیچ شێوەیەك هیچ پێكهاتەیەك بۆ ڕوخساریان بەكاربهێنن بێ ئەوەی پرس بە پزیشكی تایبەتیان بكەن بۆ ئەوەی پێستیان توشی هەستیاری نەبێت .

سەرچاوە:وێستگە ستایل