به‌ڕێكي له‌سه‌ر كورسي دامه‌نيشه‌

 

له‌توێژينه‌وه‌يه‌كدا ده‌ركه‌وت دانيشتن به‌ ڕێكي له‌سه‌ر كورسي خراپه‌ بۆ پشت و ته‌ندرووستي تێكده‌دات و ده‌بێته‌ هۆي پشت ئێشه‌.

توێژه‌ران ڕايانگه‌ياند باشترين شێوازي دانيشتن له‌سه‌رر كورسي پاڵدانه‌وه‌يه‌ به‌ 135 پله‌، پێويسته‌ به‌ته‌واوي پاڵ بده‌يته‌وه‌ و هيچ فشارێك نه‌خه‌يته‌ سه‌ر بڕبڕه‌كاني پشتت بۆئه‌وه‌ي زيانيان پێ نه‌گات و تووشي نه‌خۆشييه‌كاني پشت نه‌بيت.

ئه‌م شێوازه‌ دانيشتنه‌ زۆر باشه‌ بۆ ئه‌و كه‌سانه‌ي كه‌ له‌ ئۆفيسه‌كاندا له‌سه‌ر كورسي داده‌نيشن، هۆكاري ئه‌م توێژينه‌وه‌يه‌ ئه‌وه‌ بوو كه‌ هه‌موو كارمه‌ندي ئۆفيسه‌كان له‌سه‌ر كورسي داده‌نيشن و يه‌ك له‌ سێ به‌شي كارمه‌نده‌كان له‌سه‌ر كورسييه‌كان هه‌ڵناسن هه‌تا ده‌واميان ته‌واوده‌بێت،هه‌ندێكي تر له‌ماڵيشه‌وه‌ له‌سه‌ر كورسي داده‌نيشن و كاره‌كاني ده‌وام ده‌به‌نه‌وه‌ بۆماڵه‌وه‌.

ئه‌و توێژينه‌وه‌يه‌ له‌سه‌ر 22 كه‌س كرا، هه‌ندێك له‌و كه‌سانه‌ به‌ڕێكي به‌ پله‌ي 90 دانيشتن و ئه‌واني ديكه‌ به‌پله‌ي 135 دلنيشتن و پاڵيان دايه‌وه‌، دواتر به‌هۆي به‌كارهێناني تيشكي ته‌نووري تاقيكردنه‌وه‌ بۆ پشتي ئه‌و كه‌سانه‌ كرا و ده‌ركه‌وت ئه‌و كه‌سانانه‌ي پاڵده‌ده‌نه‌وه‌ هيچ كێشه‌يه‌كي پشتيان نييه‌ و فشار ناخه‌نه‌ سه‌ر پشتيان.

به‌ڵام ئه‌و كه‌سانه‌ي به‌شێوازێكي ديكه‌ داده‌نيشن ئازار به‌ پشتيان ده‌گات و به‌تێپه‌ڕبووني كات تووشي داخووراني كڕكڕاگه‌ي نێوان بڕبڕه‌كان (فقرات) ده‌بێت و دواتر ناتوانێت به‌ئارامي دابنيشێت.

ته‌ندروستي

باخچه

SNNC