بنچينەي فێركردني ئاكاري رەفتار لاي منداڵ

قۆناغي منداڵي يەكێكە لە قۆناغە گرنگ و هەستيارەكان كە دەتوانرێت منداڵ تێيدا فێري زۆر ئاكار و رەوشتي جوان بكرێت،گرنگترين شتيش لەو قۆناغەدا ئەوەيە كە دايكان و باوكان بتوانن بەو پەڕي جوانيەوە منداڵەكەيان فێري رەوشتي بەرز و ئاكاري جوان بكەن تاوەكو كاريگەري لەسەر بەهێزبووني كەسايەتي هەبێت لە ئايندەدا .

•           رێگەپێدان و سوپاسكردن : هەوڵ بدە بەشێوەيەكي خێرا منداڵەكەت فێري گفتوگۆكردني بكەيت و هەروەها پەيڕەوي رەوشتەكاني بێت بە بەكارهێناني وشەي جوان و رێكخراو نەوەك بە شێوەيەك كە بێتە هۆي بێزاري و برينداركردني بەرامبەر ، هەوڵ بدە ئەو دەستەواژەنەي فێر بكەيت (بە يارمەتيت – هيچ دوايەكت هەيە – ببورە ) و چەند دەستەواژەيەكي تر تاوەكو بتوانێـت لەكاتي گفتوگۆدا بەكاريان بهێنێت .

•           هەوڵ مەدە قسەكاني پێبڕيت : منداڵ كاتێك كە قسە دەكات هەوڵ مەدە قسەكاني پێبڕيت گوێي لێبگرە تاوەكو لە قسەكاني تەواو دەبێت ،چونكە بريني قسەكاني كاريگەري دەرووني لەسەر منداڵ دروست دەكات .

•           تەوقەكردن: هەوڵ بدە منداڵەكەت لە سەر تەوقەكردن لەگەڵ كەساني گەورەتر لە خۆي بكەيت ،بۆيە لەسەر دايكان و باوكان پێويستە بەشێوەيەكي بەردەوام هەوڵ فێركردني منداڵەكەيان بدەن بەمەش كاريگەري لەسەر منداڵەكە دەبێت تاوەكو لە خۆبەزلزاني دووربكەوێتەوە .

•           پێداني دياري : كاتێك دياري لەلايەن منداڵەكەتەوە پێشكەش دەكرێت  پێويستە راستەوخۆ  لەبەردەم منداڵەكەتدا بيكەيتەوە و بەو پەڕي سوپاسەوە سوپاسي منداڵەكەت بكەيت و سەرسوڕماني خۆت بە دياري منداڵەكە دەرببڕي .

•           هەڵسوكەوتي پەسەندكراو : يەكێك لە قورسترين كارەكان بۆ پەروەردەكردني منداڵ لە تەمەني 6 ساڵيدايە كە بتەوێت منداڵەكە يەكسەر فێري بەرزرترين ئاكاري رەفتاري بكەيت  بە تايبەتي لە ئاكاري نانخواردندا،لەهەمووي پەسەندكراو ئاسانتر بۆ فێركردني منداڵەكەت دەتوانيت لەكاتي نانخواردندا قسەي لەگەڵ بكەيت و لەبارەي هەموو ئەو شتانەي لەسەر سفرەي نانخواردنەكەت هەيە بۆ منداڵەكەت باس بكە و رێز لەهەموو شتەكان بگرێت .

SNN – بەشي كۆمەڵايەتي